• Бүгін: 13.11.2018 |$1 = ₸374.83

Дмитрий Панарин: Ең үздік бадминтоншылар Шымкентте

Шымкент қаласында туып-өскен Дмитрий Панарин бадминтоннан 2018 жылғы жасөспірімдер Олимпиадасының іріктеу кезеңін сәтті аяқтады. «Бір жылға созылған цикл қорытындылары бойынша спортшы 11600 ұпай жинап, Олимпиадаға жолдама беретін 10-орынды иеленді», - деп мәлімдеді Оңтүстік Қазақстан облыстық спорт басқармасы. Д. Панарин енді биыл 6-18 қазан күндері Аргентинада өтетін жасөспірімдер арасындағы Олимпиада ойындарында Қазақстанның намысын қорғайды. Дмитрий бұған дейін көптеген халықаралық турнирлерге қатысып, бәрінде жеңіске жетіп отырған. Мұның сыры неде дегенде, спортшы: «үнемі тынбай жаттыққаннан» деп түсіндіреді. Сондай-ақ, Ресей мен Украинада болған жарыстарда қарсыластарын жеңу оңайға соқпағанын айтады. Тіпті, олардың ракетка ұстау тәсілі де әр бөлек, бір-бірімен салыстыруға келмейді. Дмитрийдың алдағы күзде Аргентинада өтетін олимпиадаға баратыны 1 мамыр күні белгілі болды. Ойынға дүниежүзінің түкпір-түкпірінен 32 бадминтоншы қатыспақ. Әр елден бір ойыншадан, тек қытайлық спортшылар ғана екі квота иемденген, яғни олардан екі бадминтоншы бәсекеге түседі. «Қазақстан бойынша ең үздік бадминтоншылар Шымкентте,- дейді Д.Панарин. – Себебі, бұл спорт түріне жоғары деңгейде көңіл бөліп, жақсы қаржыландырылады». Өз алдына спорт кешені бар, жас бадминтоншылар халықаралық жарыстарға жиі шығып тұрады.


Бөлісу:

(*) Толтыру міндетті өрістер. HTML кодына рұқсат етілмеген.