• Бүгін: 14.11.2018 |$1 = ₸375.13

Астананың 20 жылдығына орай «20 ізгі іс» акциясы

Шымкент қалалық «Нұр Отан» партиясы Әл-Фараби аудандық филиалының қатысуымен, қаладағы №77 А.Асқаров атындағы жалпы орта мектебінде Астананың 20 жылдығына орай «20 - ізгі іс" акциясы аясында іс-шара өткізілді. Шараның мақсаты - егде жастағы адамдарды компьютерлік сауаттылыққа үйрету, жаңа технологияларды оқыту болып табылады. Іс-шараның бастамасын мектеп директоры И.Макаев ашып, қатысушыларға сәттілік тілей отырып, ұйымдастырушыларға бұндай іс-шараны бір күндік емес, әрдайым өткізіліп тұруына ұсыныс берді. А.Ж.Махамбетов мектеп инженері арнайы қатысушыларға интерактивті тақтада сабақ берді. Қатысушылар сабақтың барысында, мектеп инженерімен өз пікір-таластарымен бөлісіп, өз ризашылықтарын білдірді. Бүгіндері көпшілік қарапайым ғана мекен-жай анықтамасын алу үшін халыққа қызмет көрсету орталығына жүгіреді. Алайда осы және өзге де құжаттарды үйден шықпай-ақ, интернетке қосылған компьютердің көмегімен алуға болады. Бұдан бөлек, онлайн сауда жасап, электронды қызметтерді пайдалану да дәл осылайша оп-оңай жасалады. Әрине жастар жағы, заманауи технология тілін жетік меңгерген. Ал аға буын өкілдері үшін бұл қиынға соғуы мүмкін. Сондықтан алдағы уақытта оларды оқыту жұмыстары жүргізілмек.


 


Бөлісу:

(*) Толтыру міндетті өрістер. HTML кодына рұқсат етілмеген.