• Бүгін: 13.11.2018 |$1 = ₸374.83

Халыққа оңтайлы қызмет көрсету жолдары ұсынылды (ОҚО)

Оңтүстік Қазақстан облысында халыққа ұсынылатын қызметтер оңтайландырылуда. Ендігі жерде тұрғындар денсаулық сақтау саласындағы наркологиялық  және психоневрологиялық ұйымдарынан алатын анықтаманы алысқа шабылмай бір жерден алу мүмкіндігіне ие болып отыр. Яғни бұл екі қызмет түрін  «Азаматтарға арналған үкімет» мемлекеттік корпорациясы көрсететін болады. Халыққа қызмет көрсету арқылы берілетін бұл қызметтің түрі еліміз бойынша Оңтүстік Қазақстанда алғаш рет енгізіліп отыр.


Облыс әкімінің  аппарат басшысы  Е.Әлімқұлов орталыққа арнайы барып аталған қызмет түрінің жүргізілу тәртібен  танысты. Онда ол Елбасының «100 нақты» қадам Ұлт жоспарындағы «Ашық үкімет» жобасы аясында мемлекеттік қызмет түрлерін көрсету кезінде әкімшілік кедергілерді жою мақсатында жүзеге асырылып отырғанын айтты. Сонымен қатар, облыста осы жоба аясында облыс әкімінің бастамасымен «Ашық әкімдік» жобасы енгізілуде.


Бүгінгі таңда аталған екі қызметті ұсынушылар корпорация ғимаратына орналастырып, бүкіл материалдық, техникалық жабдықтармен қамтамасыз етілген. Қызмет алушылардың легін реттеу мақсатында электронды кезек жүйесіне енгізілді. Халыққа қол жетімділікті ұсыну «Ашық әкімдік» жобасының қағидасы. Алдағы бір екі ай көлемінде автокөлік жүргізушілеріне де тиімді қызмет түрі іске қосылғалы отыр. Яғни, көлік құжаттары да ХҚК орталықтарында рəсімделетін болады. Автокөлік номері мен көлік жүргізушінің куəлігі де осы орталықтар арқылы берілетін болады. Бұл туралы ХҚК орталығында өткен жиналыста облыс əкімінің аппарат басшысы Еркеғали Əлімқұлов баяндады. Айта кетейік, Оңтүстік Қазақстан облысы әкімдігімен бектілген 174 мемлекеттік қызмет көрсету түрі болса, оның ішінде 171 түрі халыққа қызмет көрсету орталығы мен мелекеттік органдар арқылы ұсынылады.


 ОҚО әкімінің баспасөз қызметі


 


Бөлісу:

(*) Толтыру міндетті өрістер. HTML кодына рұқсат етілмеген.