• Бүгін: 21.10.2018 |$1 = ₸366.11

ОҚО-да ашықтықты айқындайтын «e.ontustik.kz» порталы жұмыс істейді

Облысымызда бюджет қаржысы жұмсалмай e.ontustik.kz  порталы құрылып, жұмыс істеуде. Аталған портал облыс әкімдігінің жас таланттарды қолдауға бағытталған іс-шаралары аясында жүзеге асырылған жоба. Бұл туралы Аймақтық коммуникациялар қызметінде өткен брифингте облыс әкімі аппараты ақпараттандыру және мемлекеттік қызмет көрсету мониторингі  бөлімінің басшысы Е.Өтебаев мәлім етті. Оның айтуынша, аталған жоба халықтың билікке сенімін арттыра отырып, ашықтықты, айқындықты қамтамасыз етеді. Сыбайлас жемқорлық көріністерінің алдын алуға мүмкіндік береді. Оңтүстік Қазақстан облысында «Ақпаратқа қол жеткізу туралы» Қазақстан Республикасының Заңын іске асыру іс-шаралар жоспарында қаралған іс-шаралардың орындалуын қамтамасыз етеді.


Брифингке қатысқан облыс әкімі аппараты персоналды басқару қызметінің басшысы Ж.Наушабай бұл жобаның тиімділігін айтып, барлық үміткерлер мектеп директорларын тағайындау бойынша жарияланған конкурсқа құжат тапсыруды автоматтандырылған түрде жүзеге асыра алатынын жеткізді. Ол үшін үміткер азамат, аудандық, қалалық білім бөлімдеріне бармай-ақ, адам факторы араласуынсыз ХҚКО-на  барып немесе үйде отырып–ақ, электронды түрде құжат тапсыра алады. Алдағы уақытта денсаулық саласы және білім беру саласы қызметкерлерін аттестациядан өткізу автоматтандырылып, осы жүйеде іске қосылады. Сонымен қатар, алдағы уақытта 1313 номерімен шұғыл желі іске қосылып, мемлекеттік қызмет көрсетуге, әлеуметтік сала жұмысына байланысты арыз- шағымдарды қабылдау бойынша сенім телефоны жұмысын бастайды. 


Бөлісу:

(*) Толтыру міндетті өрістер. HTML кодына рұқсат етілмеген.

Күнтізбе
<= Қаз 2018 =>
ЖкДсСсСрБсЖмСн

22

23

24

25

26

27

28

29

30

31

Видео

Терроризм актісі туралы көрінеу жалған хабар таратуға қылмыстық жауапкершілік туралы

Радикалды ағымдардыңы таралу қаупі туралы

Терроризм қаупі туралы

ЭКСПО-17